جبس بورد ولا جبس بلدى وايه الفرق

هنتكلم عن الجبسون بورد والجبس البلدي ناس كثير جدا بتبعت تسالنا ايه الفرق بينهم امتى استخدام دا و امتى استخدم ده

هل فعلا زي ما بيقولوا الجبس بورد ضعيف والجبس البلدي قوي

هل فعلا زي ما بيقولوا الجبس البلدي خلاص راحت عليه والجبس بورد هو اللي جاي

ان شاء الله هنعرف النهارده القصه دي بالضبط خليكم معنا

اهلا بكم زي ما انا النهارده هنتكلم عن الجبسون بورد والجبس البلدي هنقارن بنهم مقارنه بسيطه كده من خلالها في الاخر هتقدر تعرف امتى استخدم الجبسون بورد وامتى استخدام الجبس البلدى ... ما فيش حاجه اسمها الجبس البلدي احسن واجمد وما فيش حد بيقول لك لا جبسون بورد هو الافضل هو اللي لازم السوق كله يشتغل بيه

الحقيقه ان السوق لايقدر ان يستغنوا علي الجبسون بورد ولا اقدر استغنى عن الجبس البلدي

اول حاجه هنتكلم عن طبيعية كل ماده فيهم

الجبسون بورد

عباره عن الواح بتباع فى السوق جاهزه في منها ثلاث الوان في الاخضر وفي الابيض وفي الاحمر

الاخضر ده بيبقى بنستخدمه في حاله الحمامات او مكان على البحر فبيكون ضد الرطوبه

الابيض بالاستخدام العادي وهو بيكون ارخصهم في التركيب

الاحمر ده اعلى حاجه في سعرها وبيستخدم فى المحلات التجاريه لانه يكون ضد النار وبنستخدمه في المطاعم في المحلات التجاريه في ناس بتطلب مننا في المطابخ

الجبس البلدى مكوناته واستخدامه

الجبس البلدى ده عباره عن مخلوط بالميه وبين الجبس و الجبس ده بيتباع في شيكاره زي شيكاره الاسمنت كده الشيكاره بتكون تقريبا في حدود 50 كيلو بيتخلط بنسب معينه مع الميه ويديني لزوجه عاليه جدا ويتصب في قوالب واللي بيطلع على اشكال زخارف سقف كرانيش سواء الواح مثل الجبسون بورد في ناس بتستخدم الجبس البلدي في قفل مسطحات بتبقى الواحه على ازاز يجيب لوح الازاز او رخامه ويصب عليها المخلوط اللي احنا قلنا عليه بارتفاع 2 سنتى ويبقى عامل مثل اللواح الجبس بورد

ثاني حاجه هنتكلم عن امتى ممكن استخدم كل نوع

الجبسون بورد بنستخدمه في تقفيل المساحات الكبيره لو انا عندي مساحه كبيره محتاج ان انا اقفلها بالجبسون بورد وعايز اغطى السقف عندي مثلا عندى فى السقف وصلات كهرباء ووصلات تكييف ووصلات اى حاجه في السقف محتاج اغطيها طبعا عمر ما الجبس البلدي ينفع فى الحاجات دى فلافضل هو الجبس بورد

وكمان الجبس بورد يستخدم في التصميمات المودرن يفضل ميه في الميه ان انا استخدم جبسون بورد لان جبسون بورد بيسهل استخدامه سرعه فى تركيبه مابياخدش وقت شكله في التشطيب بيبقى ممتاز غير الجبس البلدي صعب جدا في تشكيله قصة الصب علي الازازه على الرخامه مابيطلعش السطح املس تماما زي الجبسون بورد ده بالنسبه للاستخدام الجبسون بورد والجبس البلدي امتى تستخدم الجبس البلدي

الجبس البلدي احنا في شغلنا دائما بنلجأ له لو ان العميل عايز شغل كلاسيك

شغل كلاسيك بحتاج في زخارف محتاج كرانيش على الحوائط محتاج شغل بانوهات فيها زخارف في الحاله ديت انا الجبس بورد مش هيفيدنى ويعطينى الزخارف المطلوبه فى الحاله دى انا محتاج الجبس البلدي

الجبس البلدي في الحاله دي بيتعمل ازاى بيبقى فيه قوالب بيتصب فيها بيطلع بالشكل اللي انا محتاجه بالضبط و بيتركب على الحيط دي الحاله الوحيده اللي انا استخدمتها للجبس البلدي في التصميمات بتاعتنا لو انا عايز شغل كلاسيك يديني زخارف

وساعات كمان في الشغل الكلاسيك بقى ان انا باعمل جبسون بورد مثلا لو عايز اعمل بوكس على الحيطه البوكس بيبقى داير مايدور الاوضه مثلا على الحيطه فى ساعات باعمله جبسون بورد لان هو بياخذ وقت قليل جدا وبعد كده الكرانيش بركبها تحت وتركبها فوق عادى مع الجبس بورد

وتبقى المقارنه الاخيره بين الجبس بورد والجبس البلدى هو